د مطبوعاتو د نړیوالې ورځې په مناسبت د مبارکۍ پيغام.

MEW-Media
741

د مطبوعاتو د نړیوالې ورځې په مناسبت د مبارکۍ پيغام.

د ملګرو ملتونو د عمومي ټولنې د پرېکړې له مخې د می ۳مه د مطبوعاتو د آزادۍ نړیواله ورځ نومول شوې او دا ورځ په ملي او نړیواله کچه نمانځل کېږي.

د مطبوعاتو د آزادۍ نړیوالې ورځې د نمانځنې اصلی موخه دا ده چې حکومتونه او ملتونه یو ځل بیا د مطبوعاتو آزادۍ ته خپل ژمنتیا نوې او تر پخوا لا پیاوړې کوي. همدارنګه مطبوعات هم خلکو ته د دقیقو، بې پرې او کره معلوماتو په رسولو کې خپله مسلکي ژمنتیا نوې کوي.

د مطبوعاتو آزادي د افغانستان په اساسي قانون او همدارنګه ټولیزو رسنیو او نورو نافذو قوانینو کې تضمین شوېده. په تېرو شلو کلونو کې د نورو لاسته راوړنو څخه زموږ یوه لویه لاسته راوړنه د بیان او مطبوعاتو ازادي او اطلاعاتو ته د خلکو لاسرسی دی او په دغه برخه کې د پام وړ پرمختګ شوی.

د ملي او نړیوالو رسنیو له مسؤلینو او خبریالانو څخه مې هیله دا ده چې د هېواد په دې حساسو شرایطو کې خلکو ته دقیق او بې پرې معلومات ورسوي تر څو معلوماتي خلا را منځته نشي.

په پای کې د اوبو چارو د تنظیم ملي ادارې رهبري د هېواد ټولو خبریالانو او د رسنیو نورو کارکوونکیو ته د می درېمې – مطبوعاتو نړیوالې ورځې مبارکي وایي او دوی ته د اطلاع رسونې په چارو کې د لا ډېرو بریاوو هیله کوي.

په درنښت

انجنیر خان محمد تکل

د اوبو چارو د تنظیم ملي ادارې عمومي رئيس

نوي اعلانونه

یکشنبه ۱۴۰۰/۳/۲۳ - ۱۰:۴۵
Background image

خبرتیا !

د اوبو او انرژي پخواني وزارت او د اوبو چارو د تنظیم ملي ادارې د IRDP پروژې اوسني او پخواني قراردادي شرکتونو...

سه‌شنبه ۱۴۰۰/۳/۱۸ - ۱۱:۱
Background image

ګرانو هېوادوالو!

په دې وروستیو کې په یو شمېر رسنیو کې یو خبر ښکته او پورته کیږي چې په ولسي جرګه کې د نیمروز ولایت محترم استازي ګل احمد نورزاد ویلي ...

دوشنبه ۱۴۰۰/۳/۱۷ - ۹:۴۰
Background image

خبرتیا !

د اوبو او انرژي پخواني وزارت او د اوبو چارو د تنظیم ملي ادارې د IRDP پروژې اوسني او پخواني قراردادي شرکتونو...

Back to announcements