داوبو د چارو د تنظیم ملي اداره کې د ادارو له چتونو څخه د باران اوبو راټولو په موخه د عامه پوهاوي برنامه تر سره شوه

mew-admin
Mon, Jul 27 2020 3:57 PM
123

د دغه برنامه د اوبو د چارو د تنطیم ملي ادارې د تخنیکي مرستیال ښاغلي انجینر احمد ویس بصیري، د دې ادارې یو شمېر رئیسانو، د پوهنتون استادانو او د نور دولتي ادارو استازو په شتون کې د اوبو چارو د تنظیم ملي ادارې د ځمکې د اوبو د سرچینو پیاوړي کولو په موخه د اوبو د چارو د تنظیم ملي اداره کې د ادارو له چتونو څخه د باران د اوبو د راټولو په موخه د عامه پوهاوي برنامه تر سره شوه.

د اوبو د چارو د تنظیم ملي ادارې تخنیکي مرستیال په دغه برنامه کې د کابل ښار د ځمکې لاندې اوبو د ښکته تلو څخه يادونه وکړه او په دولتي او غیر دولتي ادارو کې یې د دغه طرحې پلي کول اړین ياد کړل.

ښاغلي بصيري وویل:" د دغه ادارې د تر سره شوې سروې مطابق که په ټولو دولتي او شخصي ادارو کې دغه طرحه عملي شي نو په کال کې به 40 میلیونه متر مکعب اوبه دوباره په ځمکه کې جذب شي؛ همدې لپاره هغه له ټولو ادارو وغوښتل چې د دغه طرحې په پلي کولو کې مرسته وکړي او د کابل ځمکې لاندې اوبو په پیاوړتیا کې برخه واخلي.

د دغه طرحې لومړۍ پروژه د FAO بنسټ په مرسته د اوبو د چارو د تنظیم ملي ادارې او د سندیزې عمومي حوزې ریاست په انګړ کې د نمونې په ډول پلي شوه.

د دغه پروژې پلي کولو سره د 8 څخه تر 10 مترو په اندازه 10 څاګانې د اوبو د چارو د تنظیم ملي ادارې په انګړ او 6 څاګانې 15 مترو په اندازه د سنديزې عمومي حوزې په ریاست کې وویستل شوې.

دغه جذبي څاګانې په یو ځانګړي مېکانېزم ډیزاین شوي او د اداری د ټولو بامونو اوبه هلته ټوليږي.

Latest news

Wed, Mar 25 2020 12:13 PM
Background image

The work of the wall of water has been started

The project is located in the district of helmand province in Helmand Province, the work was started to prevent the ...

Wed, Mar 25 2020 11:43 AM
Background image

6 % of the development of the sangi channel (second part) has completed 6 percent.

This channel located in Kandahar Province of Kandahar Province has been arrested by the result of the farmers, the ...

BACK TO NEWS